قلمي المكسور ........

بابا تعالى احضني بجد
 أنا خايفة والخوف مالو حد
حسيت اني لوحدي حقيقي
من غيرك ركني بيتهد
واللي بفكرهم من بعدك
إيد في الشدة ليا بتتمد
نفس الايد هي اللي بتفجر
نفس الايد هي اللي بتغدر
وتقولنا مالكم ولا حد ..
ما تخافش عليا دا مش ضعف
إني احكيلك أو اشتاقلك
قول ان حنين ، ود ، وحرف
وانا مش عايشة بيتهيئلك
ما تملي انا وياك بالروح
هي حكاية طين بملامحك
راجع خلف الروح على كف
وابقى بجسدي وكلي مجاورك
لكن وحشة ومرت بيا
هزت شيء في القلب اشتاقلك
فسحاب الدمع ملا عنيا
قام قلمي المكسور اتلف
يعرج حبرو عشان يكتبلك..