أنا في الصورة منسية

صاحية وجوايا شيء حنون
وفكرة مودياني على شارع جنون
مشيت كل السنين ولقانا بقى ماضي؟!
وريحتك لسه دايمة بيشمها ودادي !!
بفرد وبلم في الذكرى وحدي وانا راضي
ومستني وليل العمر ليه طول ؟!
ومستني ف شمس لقانا م الأول
هتشرق تاني معقولة؟!
وترجع تاني في الصورة ؟!
تقف جنبي وتمسك إيدي ماتسبهاش ؟!
ولا تبعد أكيد عني؟!
لأن الدمع ف عيوني خلص مابقاش
أنا وحدي ودنيا الناس مهيش شكلي
ولا هي ما تشبهناش !!
أنا في الصورة منسية ،
وبتعمد أكون م اللقطة مخفية
لأن الصورة بيك كانت ، ومن غيرك مكونهاش
ولا تكون كاملة ولا بيهم ولا بيا
دي صورة لدنيا مطفية مدام نورك ما زينهاش
أنا عايزاك في جلسة حب تجمعنا
نقول حكايات !!
نعيد الذكرى من تاني
وتحضن عمر من غيرك عليا أنا فات
تطمني بإن الموت مش هيعدي
بإن حياتنا أبدية وعدت ليالي الأمنيات
نعيش أزمان ما تخلصش ومفيهاش خوف
مفيش فينا ألم فرقة ولا أشواك لشوق ملهوف
ونطمن وانا اطمن وترحل كل اوجاعي
ما أنا صابر وبسجد كل يوم داعي
يقرب في اللقا بينا وتبكي الأرض لوداعي ..