لكن بحبك ........

ميه مسا على أحلى أب في دنيتي وفي أخرتي
أهديك يا بابا كل شوق في محبتي
أهديك دعائي وكل دمعة في سجدتي
خليك معايا وتعال في الأحلام ونور وحدتي
أنا بيك قوية وميه وميه ما أنت جوا نيني عيني واسأل
كيان حبك عليه .. وأسأل عنية اللي بيك ديما بتحلم
ونقش صوتك ووقار سكوتك بكل خلية مزروعة فيا ..
وأسأل كل الحروف السهلة والصعبة اللي فياو
وأسأل كل القصايد اللي كتبتها إيديا
أنا ليك حبيبي دايما وفية
عمري ما نسيتك ف لحظة
خارجة تجري م الزمن عدت عليا
عمري ما قولت إن اللي راح ، أهو مات وراح
خفي يا روح م الجراح
ولا عمري قولت الحي أبقى من الميت ،
دا أنا من غيرك صاحي أيوا لكن ميت
دا أنا كل يوم اسمك على لساني ،
وصوتك لحن ف وداني
الموت صحيح مني خدك ،
لكن ف قلبي مصحياك ،
كأنك ما بينا ولسه فينا ومالي دنيتنا أمان
كأن الرحيل  كذبة سخيفة بتستحلك ،
مش بقدر اذكرها
ولسه عايش وانت شجرة ماشي فيها تحت ضلك ،
لسه بجري عليك وأقولك ، كل حاجة في نفسي حتى ،
 لسه رعشة صوتي ، وملامح سكوتي
على كل كارثة عملتها دايما تدلك ،،  
وبتكسف لكن بقولك
ما أنت ابويا وهتسامحني مهما هعمل أو عملت ،
عارفة آني كنت بجلطك دايما واشلك ،
لكن حبيبي واقسم آني مش عارفة أعبر
عن حبي ليك  أو حتى أكتب شيء أحس انو يليقلك ...
لكن بحبك ..