????????????????????????????????????????????

يا بابا أنا زعلانة أوي ، علشان في حاجات كتير في الدنيا أنا ما فهمتهاش ، علشان أنا جبانة وعلشان كل حاجة بصدقها ، ليه بس ما علمنتيش ازاي الناس بتعرف تعيش عادي كده مع كل الحاجات الوحشة اللي ف حياتهم ازاي بيقدروا يستوعبوا ويكملوا عادي ويردوا عل أي حد بيضايقهم ازاي يا بابا عشت وسط الناس دي وقدرت تكمل في وسط الغابة الكدابة دي ، يا بابا بجد أنا قرفت من نفسي آني لسه عايشة في المكان دا وكل الناس لها وشوش كتير وش بيضحك وقت مالوش لزوم ووش مخيف ووش طيب ومش طيب ووش بنحسبو شرير لكن طيب ، إيه دا انت كنت عارف كل دا وما قولتليش ليه حبستني فمافهمتش أن مش كل اللي بيبتسم في وشك يبقى بيحبك ، والمصيبة لما كبرنا زي ما احنا مش بنتعلم بننسى ونسلم ، بكل تخلف فاكر لما قولتلي البعد عن الناس غنيمة وأنا كنت فاكراك بس عايزنا موجودين مكتئبين لوحدنا أنت كنت فعلا لك حق ، بس أنا بردو كان ايه هيعرفني المعنى الجوهري الكلمة ، يا بابا في كذب كتير بيحصل وأنا مشكلة كبيرة في حياتي لو كذبت بنسى آني كذبت وارجع أقول الحقيقة ف نفس الوقت ، ودي كانت مشكلتي مع محمد علشان في حاجات كتير كان بيكون عايزني اكذب فيها بس أنا مكنتش بعرف علشان أنا بنسى وبتفاجيء بنفسي في نفس اللحظة بقول الحقيقة وابوظ الدنيا وأنا بسمع نفسي بقولها بحس آني اتدلق. علي جردل ميه ساقعة واصلا أنا مبحبش الشعور دا المشكلة ان الدنيا دلوقتي كلها بتكذب وأنا فعلا مش عارفة اتعايش مع دا بصدق لاني بقول الحقيقة فبلاقي الموضوع مالوش رجلين وبندب زي الرتل وفي النهاية أحس آني مخنوقة ، بابا أعمل ايه ، ازاي ما اصدقش كل حاجة ، وازاي أقدر اتعايش من غير ما اتأذي .. كمان اللي بستغربلو أن الناس عادي عايشة الكذب كأنو حقيقة !! زمانك بتقول مين كذب عليكي ، أنا عايزاك تقولها بطريقة تانية ، مين صدق معاكي ؟ والله ما لاقيت يمكن شخص واحد بس في الدنيا اللي طلع صادق وأكيد أنت عارفو او بتوصلك اخبارو زي ما بتوصلك اخباري .. أنا همشي وأنت لسه ومقولتليش انك سامعني حتى .. بس أكيد رجعالك تاني لحد ما ارجع .. سلام يا كبير .. مع ان مش عايزة اسيبك بس راجعلك قولي بقى كل مرة تيجي تغميني هو مفيش خبر حلو عندك تفرحيني به ؟ عارفةلك حق هو لدلوقت مفيش بس مين عارف دوام الحال من المحال وأكيد في يوم هقولك خبر حلو ، أنت عايزني اكذب أنا كمان ولا ايه ولا يهمك ياسيد الكل هبقى اكذب مرة وأقولك حاجة تقرحك مع أني عارفة انك هتعرف بس هعمل إليههتعلم ما اصدقش كل شيء متخافش مش هتعلم حاجة تانية ، طيب اسيبك دلوقت حد بوسة وهات حضن كبيييييبببر بحبك .. سلام يا قمري