لما انتي هتموتي

لما انتي هتموتي
ليه ف الطريق جيتي
ولقلبي حبيتي
عن عيني ليه غيبتي
سبتيني ومشيتي
لما انتي هتموتي
ليه فيا عديتي
على حبي رديتي
وف روحي ليه عيشتي
سيبتيني ومشيتي


أبدي فراقنا صحيح
ماتت بدون تلميح
إن الحياة مرة
بعديها قلبي جريح

لو دنيتي وادي
والراحة ف بعادي
ميهمنيش اغرق
لو جنتي قصادي

يا ليالي ليه ماتت
وفي حي ليه فاتت
كات دمعة ف عنيها
ف عنية أنا باتت

أيامنا كدابة
عشنا فيها غلابة
صابرين على الكدبة
تظلم وتتغابى

إمته بقى هنروح
جوانا تعبت روح
مسجونة في عيونا
تستني منا تروح


وانا قلبي احساسو
مجروح على ناسوا
كان همو يبقالهم
راكبة السيوف راسو
لكنهم ماتوا
وعلى دنيتو داسو

بنموت أكيد هنموت
لو طال كلام وسكوت
بس الشرف كلمة
لو عمري كله يفوت

موتك مش هيأثر
حبك يزيد أكتر
كان نفسي اوريكي
طب كنتي خليكي
هتقولي دا بإيدك؟
فينها بقى ايديكي

سامحيني كنت حنون
بطلب ومش مجنون
عارف محال خلدك
وانا دوري جاي مدفون

كتير حاجات فينا
الناس متعرفهاش
أسرار حديث لينا
والناس ما تسمعهاش
الكل متأفف
والحمل متأسف
والحكم متعسف
لكن أكيد في النور
جوانا هيبين
إن الحديد لين
وبحرنا حنين
وإن ضلت الدنيا
فزمنا هيبين
نورك عليه ألطاف
سترك لكن شفاف
والرب له إنصاف
في الأخرة وحنين ..

ماتت !!