وف عزيز قلبي ........

وف عزيز قلبي اللي راح
لسه ليه بروحي براح
لسه شايفو حاجة مني
لسه شايلو جوا نني
لسه بعيوني جميل
بتفكر بس ابتسامتو
عل الخدود كانت تزني
كان وجودو شيء وازني
فات كلامو فات صداه
لحن عازفني ساكني
كل ما افتكرو بغني
كنت عاوز اقولو اني
مش ناسيك رغم الفراق
رغم اللي عدى واللي فات
وف احلى اسوأ ذكريات
لسه شيء جواك فاتني
لسه ف جنون قلبي هادي
لسه ببكي بس عادي
كان زمان دمعي ألمني
انهاردة دمعي راضي
أه صحيح حافظ ودادي
والشعور دا من سنين
نفس المعزة والحنين
وكل فاتحة لذكرى ليك
ذكرى تانية تقول أمين
أصل الوفا هجر الشمال
ساعة ما كان بينا جبال
لكنه لسه في الدفا
ولسه ساكن في المجال
ساب الشمال راح لليمين
مهو أصل ما ينفع نخون
من بالإيدين كان يوم حاضني.