الرئيسية
م/
يا مصر يا أمى . يا حتة من قلبى
أنا منك وانت منى . يا ساكنة الروح والننى
أنا كلى كده من خيرك. مقدرش أعيش من غيرك
كملى يا زوزة
ع/
تنادينا بنجيلك ..وان قولتي بنلبي
تلاقينا على بابك ، أسمينا في كتابك
مليش وطن غيرك في حضنو متربي
م/
يا مصر يا عنبر يا حتة السكر
يا لمة الأهل والعيلة. وعاملة علينا ضليلة
يا أم الدنيا يا جميلة. بحبك عاملةهليلة
ع/
على غيرها ما ندور دي شهدها مكرر
وحبك فيا ماولو حيلة ، يابنت الأصل يا أصيلة
إن شوفت غيرها لو ليله ، ترجع عيون قلبي عليلة
م/
يا بئر الحنان يا بر الأمان
يا مية العطشان يا مطمنة الحيران
ع/
يا زينة المكان واحلى ما ف الزمان
يا عزوة الغلبان ، ياراحة التعبان
سامحني يارب .. السجع اجبرني ههههه
م/
يا مصر يا عنبر يا قطعة السكر
يا بسمة الدنيا. يا عيدها الأكبر
يا خير ما سوى. ربى وما صور
ع/
يا مصر يا سكر ياقلب يا أخضر
يا طيبة الأيام يا ورد متعطر
يارب تحفظها ولأهلها تغفر
م/
بحب الحب فيكى. وادوب فى رموش عنيكى
والسعد بين اديك. فى الحر ضلة حلوة
الشمس فيكى دافية. والنسمة فيكى شافية
وحروف الحب صافية. فى لسان الكل غنوة
ع/
بغني حروفي ليكي ويادوب بوصف هواكي
أمال لو كات عنيكي والنيل أبو ضحكة رايقة
يا روح القلب إنتي عمرك أبدا ما هونتي
وارجعلك يا مدينتي لو مر الدنيا دايقة
م/
أمانة يا مصر. تقبلى ورودى
ياللى رواك . العرق. من والدى وجدودى
انت سبب نعمتى. يا مرعرعة عودى
ياللى ترابك دهب. أحلف بعهد الله
لاحفظ جميلك. ولا أبخل بمجهودى
ع/
يارب بدعيلها في ركوعي وسجودي
لو عمري فيها اتسرق براءة بشهودي
البعد كان غلطتي توهني ف وجودي
فراقها هم وتعب والعيشة فيها حياة
وشوقي لو سيبتها يناديني ما تعودي
يزعل بس يصفى قوام