ساذكر قلبه يشبهني ..

قلبي يا عيني وجعني عليك ، ولا هسأل مكسور كده ليه ، وليه الدمع بايت ف عنيك ،صعب عليا دموعك تنزل أدام عيني ، فكرتني بالجرح الصعب ، وازاي نارو كانت تكويني ، قلبي يا قلبي وجعني عليك ، حسيت بيك وبحبك ليها ، والجرح الجرحاه بإيديها ، واللي سابتو علشان كده روحها ، تؤمرها تخون فبترضيها ، بس هقولك رغم دموعي السايلة عليك ، والإحساس اللي أنا عارفاه ، وبلاش تستغرب أنت شهور وبتبكي عليها طبعا صعب اللي أنا حساه ، لكن هون حبه عليك غيرك جرحو امتد حياة ، ويمكن لسه بيبكي بآه ، ويمكن تاه ف حبيب كان فاكرو بيستناه ، ويمكن في التعذيب مشاه ، ما اللي يحب ويقسى الحب عليه ، واللي يشوف ألوان م الدنيا أبدا عمر شفتها عنيه ، هو دا حالو وهي دي ناروا الماشية معاه ، احمد ربك انها قسيت بس ومشيت ، كده احسنلك بكره هتنسى ، كل ما تفتكر انك ليها ياما وفيت ، وهي الخيانة ولا حبت اد ما حبيت ،، لو كان الليل ناوي يسعني ، وتبقى نجومو ما تودعني كنت هقولك واستنيت ، قصة حب الوجع الأكبر ، قصة تواسي جراحك وتعيد أحزانك وتفكر ، كنت لكل حروفها العمر رويت ، والمدهش فيها ان بطلها قلب بيتاثر وبيبكي ، لكن دايما من غير صوت ، ممكن يتوصف انو عنيد واتقال مرة عليه جبروت ، مع ان اللي كساه بضلوعو وحدو العالم مهما حكيت ،
فبلاش تظلم نفسك زيو ، مش هوصفلك مهما حكيت ، روح الله يفرج ف همومك وينسيك الجرح بفضلو، روح الله لا يخليك زيي ، ولا يدبلك عين او قلب ، ويعوض حبك ضعفين ، من حد يقدر اخلاصك ويطيب ف ألم إحساسك ، روح الله يقويك على نفسك ، ويطيب خاطر أيامك ، ويحقق أجمل أحلام ، ويعوض بالفرحة عيونك كثر ما بكيت فيك وبكيت ...