دايرة حب مقفولة ...ذاكرة ٢٠١٤

في دايرة حب مقفولة أنا لفيت
تعبني البرد جبت الورد وفردتو
على سرير بردي واتغطيت ،
ولا ظنيت في ورق الورد
ألاقي صقيع ملا قلبي وما ادفيت ،
مهو وعدني يهادي التلج أيامي
ومعرفش انو كان بيدفي أحلامي
ساعة ما رضيت بأيامو
ونمت ف حضن أحلامو
اللي رسمتني بعينو جليد
وضمتني على بردو وهجرتني
على حد التعب حدو فقومت غفيت .
وأقول الحق بسر الهمس أنا حنيت
رسمت الود في خيالي  ولونتو
على خدو بلون الفل واتحنيت
ولا خليت  لودنا حد
باقي عليه برغم البعد ما مليت
مهو وعدني مش هيسبني
وأهو سابني في دايرة حب مقفولة
وهنا هو ، وأنا اللي وفيت ..